Hasiera
XIV orduko martxa

Izena emateko sakatu hemen.

14 orduko martxa - 2012

Sarrera

14 orduko mendi martxa Gipuzkoa eta Nafarroako mendiak zeharkatzen dituen kirol ekitaldia da. Tolosatik irten eta Ibarra, Leaburu, Gaztelu, Berastegi, Orexa, Lizartza, Areso, Gorriti, Azpiroz, Lekunberri, Baraibar, Iribas, Uharte Arakil, Amezketa, Alegia, Altzo zeharkatu ondoren Tolosan bertan amaitzen da 70 km.-ko mendi martxa hau 17 herritatik pasatu ondoren (10 Gipuzkoan eta 7 Nafarroan).

14 orduko mendi martxa honen ezaugarri bat da irabazle bakarra ez izatea. Parte-hartzaile adina irabazle dago; izan ere, parte-hartze hutsa garaipen handia baita eta mendi egun zoragarria disfrutatu, ahalegin latza partekatu, gure burua eta gorputza proban jarri eta garaile atera izana da Tolosako helmugan jasoko dugun sari bikaina.

14 orduko mendi martxak ospatu nahi du 1925eko ekainaren 7an 14 mendizalek (Francisco Larrañaga, Eduardo eta Manuel Laborde, Francisco Labaien, Francisco Tuduri, Simon Arrue, Ricardo Diaz Sarasola, Victor Arrillaga, Anton Subijana, Teodoro Agote, Ricardo Azaldegi, Ramon Barrio, Juan Jauregi y Jose Albero) lehen aldiz eginiko mendi ibilaldia. Berriro ere 1926an eta 1943an egin zen mendi martxa. Eta 1967tik aurrera lau urtean behin egin izan da, joko olinpikoak ospatu direnetan, hain zuzen ere: 1967, 1972, 1976, 1980, 1984, 1988, 1992, 1996, 2000, 2004 eta 2008. Hurrengoa 2012an izango da.